MERKATARITZA NEXT FOROA
Merkataritza-sektorea
Merkataritza-sektorea ekonomikoki oso sektore garrantzitsua da, eta funtseszko zeregina du hirietako eta herrietako gizarte-ereduaren eta bizitzaren eraketan. Jasaten ari garen krisi globalek gehien jo duten ekonomiako sektoreetako bat da, eta erronka eta desafioei egin behar die aurre. Erronka horiek, merkataritza-sarea bera sakonki eraldatzeaz gain, gizarte-aldaketa garrantzitsuak dakartzate hiri-ekonomia jasangarri baten esparruan.
Euskal Merkataritzaren Estrategia
“Merkataritza 2030” Euskal Merkataritzaren Estrategia berriak euskal merkataritza munduko merkataritza-agertoki berri batera egokitzera eraman behar duten ildo estrategiko berriak finkatu ditu, bere oinarriak berrituz eta egungo eta etorkizuneko mundu digitalean negozio-eredu berriekin parte hartuz. Estrategiak merkataritza berritzaile, digital, lehiakor eta jasangarri bat lortzeko apustua ezartzen du, 2030eko horizontea merkataritza-sektorearentzat aurreratzeko balio behar duena, baina baita premia hurbilenak ere, bertan definitutako sektorearen eraldaketa-bektore desberdinak ezartzeagatik.
Hausnarketa-prozesuak bultzatzea
Gai asko planteatzen dira, eta inoiz baino garrantzitsuagoa da hausnarketa-prozesuak bultzatzea, politika publiko berriak proposatzen dituzten eta ekimen pribatuak merkataritzaren ikuspegi sektorialetik laguntzen dituzten ekimenak eta jardunbide egokiak partekatzeko, baina baita hurbiltasuneko ekonomiaren, hiri-plangintzaren eta sustapen ekonomikoaren zeharkako ikuspegiarekin ere. Gai hori funtsezkoa da gure hiriak eta herriak hurbileko ekonomia hori erraztuko duten gune dinamiko bihurtzeko.